EN
GE
RU

სიახლე

15 აპრილი LINE UP

15 აპრილს „არტარეას“ სივრცეში Gem Fest 2016-ის ლაინ აპის პრეზენტაცია შედგა. გარდა ახალი არტისტების ვინაობისა, ცნობილი გახდა ის ფაქტიც, რომ საფესტივალო დღეები კიდევ უფრო გაიზარდა და ანაკლიაში ფესტივალი 10 აგვისტოს გაიხსნება. ფესტივალის ფარგლებში, 5 დღის განმავლობაში იფუნქციონირებს რამდენიმე სცენა, სადაც სხვადასხვა ჟანრის და მიმართულების დიჯეები და ლაივ არტისტები დაუკრავენ.

პრეზენტაციის კულმინაცია იყო Gem Fest 2016-ის მთავარი ჰედლაინერის, Paul Kalkbrenner-ის დაანონსება. ერთ-ერთი ყველაზე წარმატებული და ცნობილი გერმანელი ლაივ არტისტის ვიზიტი 11 აგვისტოსთვის არის დაგეგმილი. Kalkbrenner-ის მთავარი წარმატება ფილმ Berling Calling-ს უკავშირდება, რომლისთვისაც მან თავისი ცნობილი საუნდტრეკი/ალბომი შექმნა. ალბომის მთავარი ჰიტად კი Sky & Sand იქცა, რომელიც დღემდე ძალიან პოპულარული საფესტივალო ტრეკია. ამ კომპოზიციის ერთ-ერთი ცნობილი ინტერპრეტაცია ჰოლანდიელ დიჯეის და Gem Fest-ის კიდევ ერთ ჰედლაინერს, Fedde Le Grand-ს ეკუთვნის.

Fedde Le Grand უკვე დაახლოებით 10 წელია რაც მსოფლიოს თითქმის ყველა დიდი EDM ფესტივალის ჰედლაინერია. მისი ცნობილი ჰიტით, „Put Your Hands Up For Detroit"-ით დაწყებული წარმატება მალე DJ Mag-ის რეიტინგებშიც აისახა, რის შემდეგაც Le Grand ავტომატურად მოექცა ყურადღების ცენტრში. დღეს იგი ერთ-ერთ ყველაზე გამოცდილ დიჯეიდ მიიჩნევა EDM სამყაროში.

გარდა EDM ვარსკვლავებისა, Gem Fest-ის ლაინ აპს დაემატავ რამდენიმე საინტერესო ანდერგრაუნდ არტისტი, მათ შორის Mobilee Records-ის დამფუძნებელი Anja Schneider და გერმანელი Boris Brejcha, რომლის მუსიკაც ელექტროსა და მინიმალის სინთეზით გამოირჩევა. ფესტივალის სტუმრების სიას ასევე დაემატა Dub FX, რომელიც ქუჩის არტისტიდან მალევე ჩამოყალიბდა პროფესიონალ მუსიკოსად, რომლის ლაივებსაც მსოფლიოს ნებისმიერ კუთხეში აქვს დიდი გამოხმაურება.

Gem Fest-ის საფესტივალო ქალაქი 5 დღის მანძილზე უმასპინძლებს სტუმრებს და გარდა მრავალფეროვანი მუსიკისა და რამდენიმე სცენისა, დაგეგმილია უამრავი გასართობი ღონისძიება და ატრაქციონი.

სიახლეებში დაბრუნება
Georgian Electronic Music Festival
Georgia / Anaklia / 2016