შეიძლება არც დაიჯეროთ, მაგრამ თქვენთვის რომ საცხოვრებლის პოვნა პრობლემა არ გამხდარიყო, ამისთვის თვით საქართველოს ტურიზმის ეროვნული ადმინისტრაცია იბრძოდა - იბრძოდა გმირულად და თავდადებით. მათ რეკორდულად მცირე დროში შეადგინეს კერძო სექტორში არსებული საცხოვრებლების ბაზა, რომელიც ყოველდღე ახლდება და იხვეწება. ახლა კი თქვენს განკარგულებაშია ინტერაქტიული რუკა, სადაც წარმოდგენილია საცხოვრებლის სხვადასხვა ვარიანტები ანაკლიასა და ზუგდიდში. საცხოვრებლის საკითხის მეორე და მარტივი გადაწყვეტა: კარვების კომფორტული ბანაკი ფესტივალის ტერიტორიაზე, სადაც ღამის გათევა ერთ ადამიანს ღამეში სულ რაღაც 10 ლარი დაუჯდება. პასუხები ამ და სხვა მრავალ საყოფაცხოვრებო კითხვაზე ჩვენი საიტის ახალ და მეტად დახვეწილ განყოფილებაში FAQ.