დადგა დრო წარმოგიდგინოთ Gem Fest-ის მთავარი სცენა, რომელსაც ჩვენ "რუბიკის კუბი" ვუწოდეთ, მისი ამ საკულტო სათამაშოსთან მსგავსების გამო. გარდა ვიზუალური მსგავსებისა, ის თავისებური თავსატეხიცაა. ახალი სცენა Pinata Creative Lab (Serbia) ნიჭიერ ბიჭებთან ნაყოფიერი თანამშრომლობის შედეგია. მათთან ერთად მუშაობა დიდი სიამოვნებაა, იმის გათვალისწინებითაც, რომ ჩვენ ერთნაირი ფასეულობები და ცხოვრებისეული ფილოსოფია გვაერთიანებს. ჩვენ ვამაყობთ ამ მეგაპროფესიონალებთან თანამშრომლობით, რომელთა ანგარიშზე არაერთი Exit Festival და MAD in Belgrade-ია. ასევე მათ ანგარიშზეა უამრავი ვარსკვლავის შოუს ორგანიზება და პროდაქშენი, დაწყებული Red Hot Chili Peppers-ითა და Depeche Mode-ით, დამთავრებული Madonna-თი. ჩვენ არ ვაპირებთ რომ მთავარ სცენასთან დაკავშირებული ყველა კარტი გაგიხსნათ - საშუალებას მოგცემთ, რომ ცოტა თავი იმტვრიოთ ;) მხოლოდ იმას გეტყვით, რომ რუბიკის კუბი წყლისა და მიწის საზღვარზე იდგება, რომ საკმარისად თამამად იქნება ერთ კიდეზე დაყრდნობილი და რომ JBL-ის უკანასკნელი თაობის ხმით იქნება აღჭურვილი. ერთი სიტყვით, როგორც პირდაპირ ისე გადატანითი მნიშვნელობით, თქვენ ზღვარზე იცეკვებთ.